top of page

處理超茂盛嘅左手香

左手香出名係消炎止痕同埋防蚊好好用嘅植物,所以好多人都會種呢個盆栽,攞佢啲葉黎做左手香膏。


我自己都有做過呢個左手香膏,做法唔難,但係真係要好好心機,用橄欖油,低溫炸啲左手香葉,令到嗰啲精華全部都落曬去啲油嗰度(呢個過程,一般都要30-50分鐘),然後再加工呢個左手香精華油製作左手香膏。我本身唔係好鍾意噠啲好油嘅膏上身,所以我都唔係成日用!但係我就真係好鍾意攞左手香黎做手工皂,我自己覺得用完呢個手工皂沖涼洗面真係無咁容易敏感!


言歸正傳,我屋企真係好多顆左手香。大葉同埋細葉左手香都有。 我特別鍾意呢兩盤植物,因為我老公比左個卓號我,就係「盆栽殺手」,顯然,我係差唔多種乜都死!但係呢兩款左手香,令我信心大大提升,覺得自己係 farmer 一樣!點種都唔死,仲跟左我差唔多三年lu。佢由開始嘅 3 顆,種到依家有太多 / 或者太茂盛!所以我都會將佢 trim down 然後再種落第二個盆度送比朋友!



左邊嗰盆細葉左手香係朋友送左一棵比我,種到好大 ; 中間嗰盆係左邊嗰盆嘅仔

;最右手邊就係大葉左手香,好快就可以收割整手工皂 (想知點整左手香皂可以去下面兩條link睇吓)


整左手香汁:https://bit.ly/3aXbHAN

消炎保濕左手香皂:https://bit.ly/2UYfs3D


我今日見中間嗰盆真係好肉酸,一邊好大好高,一邊好細好矮,所以我決定剪左佢將佢變做一份禮物送比朋友仔~



剪左落黎嗰啲小棵左手香,將佢哋底部既葉meet走曬,直接插落個盆度,淋水,咁佢啲根就會慢慢生出黎㗎啦!



剩低嘅葉葉唔好掉左佢啊~ 可以問一個皂袋/布袋 放起佢,調係衣櫃櫥櫃裡面,會有微微香味同埋會駒🐛哦~



想第一時間睇到更多更新,記得 Like 埋我個 Facebook Page 同 Instagram 啦~

網頁: https://www.goingback2basics.com/


60 views

Recent Posts

See All

Comments


bottom of page