top of page

芫荽控點處理芫荽?

由出世到十幾歲我都係超怕芫荽,其實原因應該只有一個,唔係因為我自覺唔鍾意食,而係我老豆絕對係一個討厭芫荽嘅人,就連一碟餸掂到少少,我老豆都會唔食嗰個餸。(但每次佢去到泰國,就好似忘記左自己唔鍾意芫荽呢件事咁。所有湯河,冬陰功嗰啲佈滿芫荽嘅湯,佢又唔介意食喔!真係好古怪。)所以我一直都好似佢咁!唔!食!芫!荽!因為我以為自己好唔鍾意食!


但有一次係台灣店食左一次豬肝連,佢會比好多芫荽同埋薑絲,醬油膏等去點個肝連。自從食左呢個 combination / 菜色之後,就開始唔抗拒了。跟住同我老公一齊之後開始煮多左泰國餸同埋鍾意食泰國湯麵,乾麵,一般都會放大量芫荽,而我慢慢就由唔接受,變可以接受,變到非常喜愛食芫荽。屋企幾乎都會經常有少量芫荽儲備。


但要呢個儲備夠 long lasting, 唔會壞,我試過用水養住,種左佢,放雪櫃,放菜格。最後我搵到我保存芫荽最好嘅方法,同我對待沙律菜一樣。就係(如果係好多泥嘅話可以洗左先,如果好乾淨嘅唔洗都ok)將買左返屋企嘅芫荽放落 salad spinner度將佢所有水 fing曬出嚟,放落個密實盒,放一張乾淨嘅廚房紙入去,呢個方法萬事萬靈。廚房紙將多餘嘅水分吸走,但同時亦提供 moisture 等啲芫荽唔會抽乾水。以下就係我放左 10 日嘅芫荽(裡面仲有少少薄荷葉),同我剛剛買返屋企嘅狀態係一樣嘅!




我一般會原條咁去 keep 我啲芫荽因為好多泰國湯都會用埋根部去煮湯。但我都會切定一啲放係盒內等我隨手可以用到!



最近我開始將我切落黎唔要嘅根用水養住佢,睇下日後會唔會可以唔再需要買芫荽啦~ 😂😂😂



想第一時間睇到更多更新,記得 Like 我個 Facebook Page 同 Instagram 啦~

網頁: https://www.goingback2basics.com/ Facebook: https://www.facebook.com/goinbacktobasics/ Instagram: https://www.instagram.com/back2basicsss/

9 views

Recent Posts

See All

Comments


bottom of page