top of page

自家製日本拉麵

老公好鍾意食拉麵,呢 20 年來都薰陶咗我都喜歡食拉麵!記得我細個,食麵係鍾意浸到“淋”曬,我覺得啲麵塑曬啲湯嘅時候,又入味,有無咁熱,呢個狀態係最好食(特別係公仔麵 😄)。而我另一半,鍾意啲麵茶唔多有骨就已經可以食啦。所以以前就算我哋是但一個煮麵比我哋兩個食,到要分開煮,先煮咗我鍾意嘅麵,再煮有骨嘅麵。(我成日被人話我核突,其實都係個人口味遮,同食榴槤芫荽一樣,鍾意或者唔鍾意)

跟住這些年嚟,都係試過好多唔同嘅拉麵,唔一定係大牌子,但食食吓,我對麵身嘅彈度開始有所改變。我開始鍾意食有咬口,彈彈地,al dante嘅拉麵。所以好多買返嚟嘅即食拉麵(附湯包嗰啲) 未必有咁嘅口感。所以就膽粗粗試吓自己整,睇下可唔可以整到彈牙嘅口感。終於我搵到了。

homemade ramen 自家製彈牙拉麵
家製彈牙日本拉麵

自從開始食咗 home made 拉麵,就好少買外面嘅乾拉麵了 (唔係唔好食,不過prefer自己整嗰啲)。不過次次整,都真係好大工程。所以就開始一次過整多啲,放落冰箱,食嘅時候先至攞出黎,冰住落熱水煮分半鐘。不過一位佢裡面個心係最後先煮到,所以煮嘅過程,一定要幫佢解開個結。就簡單呢個分半鐘,就可以整到超彈牙拉麵啦~尤其用嚟做乾拌麵。如果整湯麵,建議可以縮短煮嘅時間(當然係要全部煮熟嘅情況下啦)。


 

預先製作鹼:

鹼嘅製作好簡單,攞蘇打粉放入 150度焗爐焗一個小時,攞出黎嘅時候,會明顯比蘇打粉更多一粒粒 grainy 嘅感覺,呢個時候就可以用嚟整麵啦~


Tips 1: 唔想次次都要等一個鐘頭先可以開始整麵,可以預先一次過整多啲鹼,放落玻璃樽入

面,放陰涼嘅地方,就可以隨時攞嚟用啦!


鹼嘅 pH值較高,唔建議用手直接接觸。

 


準備一啲無筋性嘅粉,例如粘米粉,壓完麵,切完麵之後,灑上啲粉,啲麵就唔會痴埋一齊。



如果想要食攣嘅麵,上好粉之後,將佢渣埋一齊,再拆返開,啲麵就會邊攣㗎啦~


因為老公極鍾意食拉麵,我會一次過整三份食譜嘅份量,將佢捲好放入盒內放冰箱。要煮嘅時候,就可以即刻攞出黎煮,煮嘅時間會增加少少,可以按個人口味去增加烹煮時間。


Tips 2: Homemade 拉麵唔洗次次整,可以放落密實盒入冰箱。食嘅時候,直接結冰狀態放入熱水煮 1.5分鐘就可以食了。


updated 15/8/2020

我試過將鹽嘅部分由原先嘅 8克減至 2克,成品質感無改變好多,少啲鹽健康啲!



自家製日本拉麵





泰式蛋麵 Bamee 食譜:https://bit.ly/2B9sNia


 

想第一時間睇到更多更新,記得 Like 我個 Facebook Page 同 Instagram 啦~

訂閱Back to Basics Youtube頻道: https://bit.ly/2ZK6MyR

 

63 views

Recent Posts

See All

Comentarios


bottom of page