top of page

素食肉燥飯

最近為咗食健康啲減少膽固醇,或者減少肥肉嘅食物,所以嘗試咗唔同嘅素肉,去做一啲傳統較肥膩嘅食譜,出來嘅效果比想像中好好多。所以都推薦比你哋,可以試吓食少啲肉,或者肥肉~


個人心得:

  • 紅蔥/乾蔥/shallots嘅部份,我試過用好多或者用少,試過炒得耐d,但其實最好味都係要炸到佢金黃色先至係最好味!所以我用咗較少油半煎炸啲乾蔥。隔左啲油出嚟放係玻璃樽裡面,第日可以炒菜嘅時候放少少攞嚟提味。

  • 醬油膏,一路以來都係令我好頭痛既部分,因為成日用唔曬就要掉左佢。 我淨係識得用嚟整肉燥飯,涼拌皮蛋豆腐,豬肝連呢幾樣野,所以食晒之前都已經壞咗Lu。所以呢個食譜我係會用櫥櫃裏面有嘅食材,就係生抽同老抽啦!效果一樣咁正!

  • 豬肉:用咗 Omni Pork 新豬肉。

  • 用嚟炆佢嗰個煲一定要厚身傳熱嘅煲,如果個煲太薄嘅話啲汁好快就會冇晒,跟住就會痴底。

材料:

乾蔥 45克

菜油 3 湯匙

新豬肉 230 克

水 330 克

香菇粉 1.5 茶匙

生抽 半湯匙

老抽 半湯匙

啡糖 1 茶匙

Sake 1 茶匙

冬菇 2粒 (或更多)


做法:


1. 將冬菇浸軟,然後切細粒(另外可以加幾隻完整嘅冬菇落去一齊炆都可以)。


2. 落三至四湯羹油,加熱之後將切好咗嘅乾蔥放落去用好細火慢慢煎炸,炸到去金黃色(大約 10-15分鐘)跟住就會隔咗啲油佢下次可以用,跟住裝起啲炸乾蔥。



3. 剩返好少嘅乾蔥就可以攞嚟炒新豬肉啦!將啲免治豬肉放入去炒到變熟,同時將佢一路炒一路用鑊剷炒整碎佢,好似免治豬肉粒嘅大細,然後加埋啲生抽老抽糖落去繼續炒到佢收晒水為止。



4. 將啲豬肉放入煲裡面(我自己用鑄鐵煲去煮呢個肉燥既),加埋冬菇同埋香菇粉開嘅湯,煮佢一個鐘!


5. 一個鐘之後,就放埋剩低既炸乾蔥入去煮多10分鐘就可以上碟啦~


今次食材可以喺邊度買?

Omnipork 新豬肉:Green Common, HKTVMall

鮮菇粉 : 一般超級市場都有得賣,仲有其他牌子添





53 views

Recent Posts

See All

Comments


bottom of page