top of page

煮飯點樣慳時間?

以前又要返工,又要煮晚餐同埋煮帶飯嘅餸菜其實搞得黎洗埋碗分分鐘都已經10點了,跟住就要沖涼,準備訓覺。有時候想hea吓,睇吓電視,睇下電話,睇下書都覺得無時間。


所以除左我週末攞一日出黎煮曬下個禮拜嘅帶飯餸菜放冰箱(我老公同事叫我哋啲飯太空食物,因為一舊舊方磚咁樣嘅),我會煮飯時洗定啲沙律菜啊,備定啲料,weekdays 攞起手上嚟都好方便!


毛豆:

例如週末可能整嗰毛豆做佐酒小食,食唔曬嗰啲,我就會將佢剝曬皮,放落盒仔,或者製冰格入面,冰左佢,如果要整沙律或者快炒,都可以即刻攞少少出黎浸水解凍就可以用/食了。


沙律菜:

如果你都成日食沙律,可以備定啲沙律菜,特別係一啲比較實淨嘅菜,例如羽衣甘藍咁,我會洗乾淨切好曬fing曬啲水之後用保鮮袋放好,加一張廚房紙吸多餘水份,咁樣放喺菜格都可以 keep 到一段時間。如果係“無咁實淨嘅菜”如生菜,多數都會等到用嗰日先洗。


意粉醬:

如果整 Pasta 嘅時候,整 Pesto 青醬或者番茄醬之類,都會整大份啲,跟住就放落製冰格裡面,雪成粒粒,要用之前就可以解凍幾粒煮意粉,唔洗次次都要新鮮整定。



蒜蓉:

每次買新鮮蒜頭,要整蒜蓉,我都會攞夠兩粒蒜頭,拆曬肉,跟住放落 food processor 將佢全部打碎,放入已消毒嘅玻璃樽,跟住加 olive至油可以高過啲蒜蓉,放落雪櫃備用。


香草:

香草我未開始種嘅時候,我都覺得好浪費,每次買完煮兩個餸,最多整埋麵包之後就用唔著,跟住就會放到乾然後掉。所以呢個解決方法,就係放落製冰格,然後注入 olive oil 或者牛油咁(視乎你想點用佢),然後冰左佢,放落盒仔,要用到嘅時候,就可以攞一粒出黎開鑊,溶曬就可以炒餸啦~


呢啲就係我好想慳時間嘅煮食心得,如果你都有啲小tips,不妨同我分享啊~


想第一時間睇到更多更新,記得 Like 我個 Facebook Page 同 Instagram 啦~

75 views

Recent Posts

See All

Comments


bottom of page