早兩日攞埋屋企啲罐頭，膠落街回收。行到過去，見到呢個狀況。即刻唔敢放啲可回收物入去。呢度變左垃圾桶多過回收箱 😠。意識唔係唔良好啊，因為我見有分類，但係就真係好dirty！膠上面仲有燒賣食淨嘅醬油同埋辣椒油，飲品仲有冰水。咁樣只會令到回收公司將所有回收物變曬做垃圾咁掉。
其實都真係唔知道因為現今香港垃圾桶所剩無幾，定係因為環保概念好差。垃圾桶不足令到垃圾好似比以前多左。
咁當然，唔係個個人都想環保，不過就算唔環保，都唔洗搞亂嗰想環保嘅 system 啊嘛～
所以，我將我所有嘅回收物，一次過攞返屋企，直接寄去或者攞去真係有心做環保重用，或者用嚟再製作有用嘅嘢～ 如果你都已經有回收嘅話，我為著地球同埋下一代多謝你！但如果妳想分類回收嘅話，以下都有幾個團體一直都做好回收工作架～
綠行俠會回收乾淨嘅零食袋，再賦予佢新嘅生命，新嘅主人。只需要將自己符合佢哋要求嘅零食包裝洗乾淨，晾乾，一次過寄過去，都平過買一罐汽水哦～ https://www.eco-greenergy.com/pages/snack-bag-recycling-campaign?locale=zh-hant
綠在區區 ：喺唔同地區都會有回收點收集市民乾淨嘅回收物。https://www.enb.gov.hk/tc/sens-blog/blog20180605.html
當然一定要大力支持 MilMill 將紙包盒製成再生紙品，包括你同我日日都用嘅廁紙啊～ https://www.milmill.hk/
Comments