最近先開始整好多麵食，其實係因為我一路都好唔鍾意隻手痴好多濕麵團上手，唔知點解，就算洗到對手有幾乾淨，都成日覺得好會痴到啲老泥落個麵團度。所以成日都係靠對筷子幫我攪個麵團搞到無咁痴先開始落手。但做麵包嘅話好難唔痴了。
幾個月前網上面見到呢個 “揉麵袋”我一開始都覺得好skeptical。因為會覺得痴到成個袋都係啦，或者好難搓麵團啦！最後見到淘寶有得賣，而且價錢唔貴，就算我用唔到做麵團，我都可以放蔬菜落雪櫃。所以就出手買咗返嚟。
呢個袋比想象中薄（我覺得如果太厚，好似焗爐用嘅矽膠墊咁會好難搓）所以真係幾好！
我直接將所有材料倒曬入去，一開始慢慢搓，等佢乾濕材料痴埋一齊，之後就可以放膽去搓！（雖要少少時間適應，因為始終有層嘢喺度），效果都無措哦！
另一個優點就係可以直接喺裡面發酵，唔洗用多個tea towel， 或者喺多個碗！ Highly recommend 比同我一樣怕痴到隻手周圍都係嘅人哦～
Comments